ma mai tere kokh ka ankur ,kyon hui mai tujhse door; mana beti hoti hai parayee, par tune to woh reet bhi na nibhai. sunahle sapne lekar mai tere garbh main aai; yahi tamanna thi ki banu teri parchai. ma ka sparsh suna tha ek sunder ahsaas hai; tune mere astitva ke sath ki khilwad yeh kaun sa insaaf hai. tere hriday ka parivartan meri samajh mai na aaya;bete ke moh ne tujhe aaj adhik bharmaya. nari hokar nari ki vyatha tune kahan jani ; hai ri janani tu hi meri apradhini. yaad rakh jeevan ke her mod per tu karegi mujhe yaad;jab bhi tujhe hoga kahin dukh ka ahsaas. apnedil per hath rakh ker tu karna mujhe yaad; shayad tab bhi mai rahoongi kahin tere pas. ek bar sneh se pukar lena , mai shayad tujhe kar du maf , mai shayad tujhe ker du maaf.
No comments:
Post a Comment